nouille.beepworld.de

martina inniger


Hier schreibe ich meine reiseerlebnisse nieder.
da ich lange keine möglichkeit hatte den blog zu führen hat sich jetzt ne ganze menge angestaut^^also schreibe ich hier schöön der reihe nach^^beginnend mit dem ersten Tag meiner Reise.

Viel Spass!!

Sonntag, 1. Jan 2012


Nach nume 3 stung schlaf si mer am 6i am morge  scho wider ufgstange und hei üs parat gmacht für uf üsi super nullarbor-tour ds gah^^

Nume wehnig später hei mer üs scho vo der nadja müesse verabschide und is taxi hüpfe.

bir wellington street isch de eich üse bus scho gstange und mir hei scho gad üse driver dr dave kenneglehrt. Vor gruppe si mer no gad nid soo begeischteret gsi das es paar „euteri“ und es paar chli komischi lüt derbi het gha.

item, dr erscht stop (nach eire stung) isch ds verschlafene stettli york gsi... dert hets nid viu ds gseh gäh muesi säge^^i gloub dasch ou eher eifach e pinkel-ichoufs-pause gsi^^... dert hei mer de fang mau d may kenneglehrt... e euteri malaysierin wo lieber mit ihrere steiaute digitaukamera und emne stativ es foto mit seubstuslöser vo sich und em stettli gmacht anschtatt üs ds frage öb mer gschwing es foto chöi mache... item... ou dert „kenneglehrt“ hei mer dr wim, e wahnsinnig schüche belgier.^^

wider zrug ufem bus si mer de gloub nomau öppe e stung ungerwegs gsi und si de bim „wave rock“ glandet.
das isch sone „feuse“ fasch wie dr ayers rock so flach obe. Aber di einti site isch geg inne ebe so fasch wie usghölt und het so verschidefarbigi senkrechti streife und gseht daher us wie ne weue (wies dr name ja scho so schön seit... d australier si wahnsinnig kreativ mit sache oder orte benenne, das werdeter speter no feststeue...)

 

Nachdem de jeder sones „surfing-on-the-rock“ föteli gmacht het gha, und d ramona und ig no uf de feuse ufekragslet si und dert no es paar schöni föteli gmachte hei gha, hets de zmittag gäh => sandwiches.

de si mer de eich scho baud mau (aso baud i afüerigs und schlusszeiche weus ca 3 stung gange isch => ganz angeri distanze i dem australie^^) bi üsere „nachtresidenz“ acho (vorher hei mer no e chline  buy-your-alcohol-stop gmacht gha und d ramona und ig hei üs mitere fläsche wiss wii ideckt). Das isch eich e art café/restaurant gsi mitten im nirgendwo namens Mary’s Café, verblüffenderwiis gfüert vore gwüsse eutere dame namens (jep dir heits errate) Mary!! =)

dert acho, hei mer zersch mau di länge hose agleit und üs mit muggespray igsprayt (es isch saumässig chaut gsi! O.o)
mir hei aber de es tassli tee übercho und gli drufabe es feins warms znacht. Das hei mer übrigens dusse gässe uf der deckte terrasse vom „restaurant“. Das isch eich ou üse schlafplatz worde =) nachem esse hei mer de d tische und d stüeu chli ufd site grückt und hei dert üsi swags usgrout.

chline iwurf zum thema swag: leider gits da nid würklech e dütschi übersetzig für das objekt mitem name swag =) es isch eiglech e art schlafsack eifach us so wasserdichtem recht „stifem“ stoff (ir tarnfarb grüen) mitere ungersitew us plastik und ere dünne matratze drinne... me schlaft mit emne normale schlafsack dert drinne meischtens ungerem sternehimu =)

 

Da d ramona und ig nidemau gwüsst hei ds mer i dene dinger werde dusse schlaffe di ganzi tour si mer am afang chli gschockt gsi, hei üs aber de schneu mitem gedanke agfründet: no prtoblem für üs. Mir si ja schliesslech keni tussige grossstadtwiiber!!!

 

Nachem znacht hei mer no chli mitem frank (emne dütsche) und der kelly (e britin) gredt und eben o üsi fläsche wii trunke =) gemütlich. Aber leider hei mer bi dem gspräch o no usegfunge das si beidi nach drü täg uf der tour scho wider umchere und wider zrugg uf perth göh =/ isch chli schade gsi..

nähr hei mer üs de mau zwäg gmacht fürs „bett“ währendem znacht isch aber ebe zur sprach cho das es da ufem oder ungerem dach zimlech viu so frösch het, und wie gerufen isch churzi zyt später eine obenabe gheit, ufs tischli wo üsi tassli gstange si LOL ar ramona het dr gedanke ebe de nähr nideso gfaue das zmitz ir nacht eifach sone frosch uf si abegheit^^vo dem her het si ebe eher nid eso wahnsinnig guet gschlaffe =) vor auem weu ig ir nacht ebe weuts oft nach mugge gschlage ha (meischtens uf mini stirne oder backe oder süsch is gsicht) was immer sones klatschends grüsch gmacht het. Da d ramona nid gseh het das ig das grüsch mache het si immer gmeint es sig wider e frosch obenabe cho HAHAHAHA

Sunday, 1. jan 2012

 

Montag, 2. Jan 2012

 

Hüt isch am 6i am morge tagwach gsi, da mer am 7ni hei weue losfahre. Dusche hei mer hüt am morge nid chönne, da’s nur sones biologischs WC het gha bi der mary. Zmorge hei mer im stah bim bus/trailer gässe da mer bim schlafplatz nid auzuviu lärm hei döfe mache da d mary no gschlafe het ^^

d swags hei de aui natürlech o wider i trailer müesse und da die obe is fach ghört hei, bini haut wienes äffli dert ufekragslet und ha die ineghievt und mit de füess inegschobe... das het eue chli seutsam usgseh hahaha naja...

 

item;


dr dave het üs de nach eire minute fahrt bim obere endi vor mary ihrere iifahrt abglade damit mer abe zur houptstrass chöi loufe und chli schöni wiudblüemli und süsch no so chli flora chöi beguetachte. Eh jo i ha es paar schöni föteli chöne schiesse und bi glücklech gsi^^

 

es paar stung später churz vorem zmittag si mer de im cape le grand national park acho. Bevors zmittag gäh het hei mer no gschwing zyt gha a strand vo der lucky bay ds gah und dert eis ds bädele^^da d sunne zu dem zytpunkt zum glück gad devore isch gsi hei mer üs sogar us de chleider trout =) dr wasser isch kristauklar und türkisblau gsi und schön früsch =) bi sonere schöne kulisse hei mer natürlech no gad chli luget-aui-i-bi-amne-troumstrand-fotoshooting müesse mache LOL schlussendlech si mer de ds spät cho fürs zmittag -.- typisch...

mir hei de ebe i dem national park no e angeri gruppe vo nullarbor traveler troffe wo ebe vo adelaide nach perth greis tisch und scho 6 tag ungerwegs si gsi. =) d heufti vo üsne lüt si de ebe am nächschte tag mit dene wider zrugg uf perth so gits ebe die 6 tägigi tour vo perth und wider zrugg. Ds gliche giits ou vo adelaide uus. Item nachem nid-zmittag si mer de aui mitem tourguide vor angere gruppe no vo eire bucht wider zrugg zu üsem campingplatz gloffe das het ca. e stung oder so duuret.

wider zrugg bim camping si mir (sprich üsi gruppe ohni die wo wider zrugg uf perth göh) de zum frenchman peak gfahre. Das isch sone „berg“ (i würd dem eher feuse ir landschaft sege aber mir lö jetz de australier mau ihre „berg“) im national park. Dä isch nid esoo höch und het o zimlech harmlos usgseh.. aber zum erklimme ischs glich es bizzli id bei... natürlech nüt gäge wissestei wod wie lang ufeloufsch? Has vergesse aber zum dr frenchman peak ds erklimme hei mer nur ca 20minute brucht =) guet d anne und d ramona hei ou es ultra schneus tempo agschlage^^(gemschi2)
item mir 3 und d may si de di einzige vor truppe gsi wos bis ufe „gipfu“ gmacht hei abui angere hei abglooset muahahaha... mir si di beschte! *sing*
ou dert obe hets wider es chlises fotoshooting gäh^^ 

 

Wider zrugg bim bus hei üs di angere applaudiert wie blöd das mers dert ufegschafft hei... i hs nur so dänkt, „WOW, isch haut e huere grossi sach gsi, aber whatever merci füre applaus!!!“ de simer wider zrugg zum camp gfahre wo scho ds znacht uf üs gwartet het wo di angere für üs netterwiis kochet hei gha =)
das hei mer de dunge am strand ignoh, wo’s gstört chaut isch gsi. Vorauem het e wind blaset wo eifach dür aui chleider bis uf’d chnoche gange isch (di wermschte chleider won ig derbi ha gha isch es jeans jäggli und es paar längermligi t-shirts gsi.. ah und längi hose... sprich i ha gfrore wie nüt, und das nachdem mer d ramona verzrut het das ihre ganz viu lüt dervo abgrate hei die tour im summer ds mache WEUS EIFACH DS HEISS ISCH DENN!)
nachem znacht si mer de chli i windgschützt bereich vo üsem choch-shelter gflüchtet und de hei d ramona und ig wider e fläsche wii gläärt. PROSCHT!!
i ha de no dr dave gfragt wenn das am nächschte morge d sunne ufgeit und er het gmein am viertu vor 5i auso hani mi wecke ruf 20 vor gsteut und de si mer fridlech i üsne swags igschlafe =)

Dienstag, 3 Jan 2012

am nächschte morge bini am viertu ab 4i ufgwacht weus scho langsam heu isch worde. I ha de angscht gha dasi dr sunneufgang verpasse auso hani au mini chleider wider agleit und es tuech und mi schau mitgno und bi a strand abegstiflet.
dr effektiv sunneufgang het de doch no e haubstung uf sech la warte aber i ha es paar ganz schöni fotos chönne mache *stouz isch

 

PS: i LIEBE mini kamera!!!!

 

Gäg die 5i sie de dr tourguide vor angere gruppe und e typ abe a strand cho für ga ds jogge^^respect!!
i bi de nähr no mau chli ga penne bis es de zmorge het gäh => pancakes!! Yummie!
dr dave het de di angeri gruppe zum frenchman peak gfahre und werenddesse hei mir angere abgwäsche und aues zämepackt.

wo dr dave de wider da isch gsi si mer de gad losgfahre und da mer jetz nurno ds achtehöch si gsi, hei d nicola, d anne, dr wim, d ramona und ig je 2 sitze gha =) gemütlich!!


dä tag si mer nähr gfahre und gfahre und gfahre... bis mer nähr am abre a üsem schlafplatz acho si: es plätzli zmitz im busch dr satz mitten im nirgendwo isch für dä ort erfunde worde!! Es het ke lü, ke zivilisation im umkreis vo MEILE, keWC’s und scho gar ke duschine gha O.o
und es isch wider chaut gsi wienemore!!! No cheuter aus am tag vorher!!

Ds znacht hei mer versuecht im windschatte vom bus ds ässe O.o aber es het nid würk klappet..
es het aber de du e wahnsinnig schöne sunneungergang gäh WOW!!!

 

Nach dem superschöne sunneungergang, isches no cheuter worde, aber zum glück het dr dave es füürli gmacht gha und de simer nehr bimne tassli wii und bim spiu  „i can see the moon in the spoon“ si mer de no chli am füürli ghöcklet.
da’s aber de gli d schaut isch worde, si mer de du i swag.

 

Mittwoch, 4. Jan 2012

 

Hüt isch wider wahnsinnig früech tagwach gsi und obwous no geng so saumässig chaut isch gsi hei mer wou oder übu us üsne swags usemüesse -.- und leider het ds früech ufstah nid mau öppis bracht füre sunneufgang -.- dä isch nach wie vor scheisse gsi, da bewöukt =(

 

Dr erscht stop nach abfahrt isch zimlech schneu cho da mir ja aui sitem geschtrige namitag kes WC meh gseh hei, wen der wüsst wasi meine... ^^

 

Am mittag si mer de ds eucla gsi, dert hets es nachem wrap no es langsams kafi und es cookie gäh (yummie) und de ischs o scho wider witergange =)

De simer scho gli a der gränze zu south australia gsi und dert hets de no es föteli gäh wie me i 2 staate zur gliche zyt isch^^

 

Bis zu üsem nachtlager isches de nur no es paar stung gange und ungerwegs hei mer no e stop ar küschte are klippe gmacht; so ds säge e vorgschmack ufd great ocan road =>

 

Ebe bi üsem nachtlager acho hani mi zersch gfröit : ah hüser! Da gits sicher WC’s, e duschi und es bett!! Geil! ...

Denkste =)
am ändi vor zuefahrt (wo ca 10 kilometer läng isch gsi...) isch de es schiud cho wo gseit het : achtung! Instabiili hüser!!
okeeeyyy... schlafe mer i dene oder hets o no angeri ???
es isch de weder noch gsi^^ds programm het wier gheisse draussen schlafen=)
no e chlini beschribig zu dem skurile ort : im grosse und ganze isch das e farm gsi wo bis vor 20 jahr e familie gwohnt het. Die hei dert no e art „outowerchstatt“ gha mit tanksteu und auem =)
aber im jahr 1988 het die familie beschlosse dases ne dert nümme gfaut. Si hei aues la stah und la ligge und si abghoue... und jetz steit die farm da und vergheit nach und nach... und niemer chratzts ou nur am arsch^^australier...

 

I mues sege die farm chunnt eim echli unheimlech ine... =) die ganze outowraks haub verroschtet und scho lang ke sitze me drinne i de meischte^^und nähr no das verlassnige aute huus ^^

 

Item mir hei de üsi swags vor der „veranda“ vom zwöite huus usgrout und hei üs de mau as znacht choche gmacht. Churz nachem ässe isch de d sunne langsam ungergange und i ha vergeblech versuecht es vernünftigs föteli dervo ds schiesse... mir si eifach immer die cheibe böim im wäg gsi... i ha de versuecht mau uf so eine ufeds chlättere... aber das het nid viu gnützt -.- nächschti idee isch gsi, ufe trailer ufe (es het dert e gäbigi leitere gha^^) der tobe stehen hanis de nomau versuecht aber wider ohni erfoug.. -.- schlussendlech hanis de ufgäh...

wos de dunku isch gsi, si mer de aui no chli am lager füürli ghöcklet und hei no am dave sini sterne charte agluegt...

d ramona und ig, mir aukies, hei wider e fläche wii gläärt und de hani aune no ds gschichtli vor AGATHA verzeug muahahaha (leider ischs nid so cool gsi weu mer so viu lüt si gsi undi nid aui ha chönne erschrecke indem i se alänge^^und d sprach barriere isch o no so chli es problem gsi aber isch emu witzig gsi haha

mir si de gli mau is bett (oder besser gseit i swag lol)
churz druf hani de d ramona immer so ghört ufhocke und über d müüs flueche wo da aui desume grennt si... i ha de dänkt solang die cheibe nid eim übere swag oder no schlimmer ds gsicht latsche ischs ja no okey =) aber das hei si de ebe doch gmacht £(aso immerhin übere swag) und das isch üs de so chli ds bunt worde.auso hei mer beschlosse im bus ds schlafe. D hoffnig isch gsi, das nach dr gasbombe attake vom dave früecher am abe keni müüs meh dert inne si. Mir hei auso üsi schlafseck gnog und si mit der taschelampe zum bus gange. Da i zersch bi gsi hani d türe ufgmacht und ha gad so mit der taschelampe a bode unger mim sitz zündet... und was hani gseh dervo husche? E muus =) ei sekunde hani so überleit öb d ramona die jetz ou gseh het und öbire das seu sege... aber i ha de gfunge das merkt si eue de schneuer aus das si ischlaft auso gschiders gad sege... auso si mer wider ufgschmisse gsi, weu die cheibe müüs dusse und ou dinne si... wo mer gad so am diskutiere si was mer wie mache, faut mi blick so ufe trailer... und da i am abe no gad uf dem trailer drfume kragslet bi, hani gfunge; chum mir schmeisse üsi swags dert ufe und penne dert!!! Es het es ca 20 centimeter höchs so gländerli gha auso ke gfahr das me dert obenabe gheit (im swag inne chasch di eh niene ane bewege LOL.
anyway, gesagt, getan hei mer das züg unger ächzen und stöhnen dert ufe ghievt und hes üs bequem gmacht. =)

d ramona isch glücklech gsi und endlech hei mer i „sicherheit“ vo dene gfährleche wiudtier chönne penne. Mi adrenalin spiegu isch de aber no chli höch gsi vom gane kichere und lache vo dere geile aktion vo dem her hani no chli nach de stärne usschou ghaute =) i ha grad zur ramona no weue sege jetz isch üsi einzigi furcht ume no die üle wo mer chli früecher am abe im boum näbem trailer gseh hei. Chum hani dä gedanke fertig dänkt flatteret ca 1 meter uf mire site näbem trailer es grosses wisses etwas verbi HAHAHA huus htet und scho lang ke sitze me drinne i de meischtestaate zur gliche zyt isch wasi outh australia gsi und dert hets de no es föteli gäh wie me i 2 staate zur gliche zyt isch wasi

Es wiili später isch de üsi kollegin eule no mau verbii cho^^d d ramona hei ou es ultra schneng gähmuahahaha... mir si di beschte! *sing*ht =) guet d anne und d ramona hei ou es ultra schneche da d mary no gschlafe het  irailer gässe da mer bim schlafplatz nid auzuviu lärm hei döfe mache da d mary no gschlafe het  i

Si isch derhärds gfloge cho, isch zwöi sekunde öppe e meter über üsne chöpf blibe flattere und isch de wider zrugg i boum

So aus hätt si sech so gfragt was das für gstörti lüt si wo da uf däm grosse gäube ding ligge^^

nachemne wiili si mer de unger de sterne igschlafe =)

 

Donnerstag, 5. Jan 2012

Da Ufem trailer obe e zimlechi brise gweit het, bini scho zimlech früech ufgwacht. I ha nehr mau weue abwarte bis die angere ufstöh und lose as si sege das mir zwöi dert obe pennet hei. Vorauem uf d reaktion vom dave bini gspannt gsi^^wirder lache? Wirder verruckt werde?
leider isch sini reaktion eifach nur es unwichtige spruch gsi vowege zum glück sigi nid uf mini site obeabe gheit süsch weri uf em ganze chochgschir glandet... meh nid.. i bi fasch chlei enttüscht gsi O.o di angere heis aber sehr luschtig gfunge^^

 

Nachdem mer zmorge gesse und aues wider zemepackt hei, ischs wider losgange und mir hei koonolda, dä gspängstisch ort verlah...

Chli später hei mer e churze stopp amne cliff lookout gmacht und de isch scho gli mittag cho (mir si wiit gfahre und hei daher di meischti zyt pennet LOL) zum zmittag hets vorauem gmües und frücht gäh, da mer grad nachem mittag esse zur pest and deseases kontroll station si cho, wo me aues frücht und gmües züg mues abgäh und furtschiesse -.-
me darf ebe ke setigs züg über d grenze vo de einzelne staate mitnäh -.- (australier si soooo paranoid -.-)
vo dem her hei mer eich fasch nur gmües zum zmittag gha^^i ha zum bispiu ca 2 rohi gurke gässe mit chli sauz^^ salat ohni sauce (hei mer nid debi gha) und tomate und irgend 3 rüebli^^und zum dessert hani sicher no 2 orange und e öpfu gässe muahahaha (i bi wahnsinnig stouz gsi; mir hei nur ei chopf salat und es paar tomätli müesse furtschiesse und mir hei würk no meeega viu gmües gha O.o)

Item, bi dere kontrou station he mer de d tomätli no abgäh so im sinn vo „jah mir hei leider no öppis derbi wo mer nech jetz müesse abgäh, tuet üs ja leid das hei mer irgendwie vergesse“ weu dr dave gmeint het si dürsueche dr ganz wage wen ne nüt abgisch.

Im ne mini-kaff namens penong hei mer de no e chline fuel stopp müesse schrisse. Mir hei de chli zyt gha für im „lade“ chli öppis ds choufe (wobii’s nid viu ds choufe gäh het...) bis de dr dave fertig isch gsi mit uftanke. Und de ischs o scho witer gange nach ceduna wo mer is wombat and fauna rescue centre (zu finden auf facebook) gange si zu der Val und ihrne tierli (ds meischte wombats aber ou joeys (baby kangaroo) possums, eidechse und emus) Vorauem ds einte joey, d annabelle hets mer ata! Si isch soo herzig gsi und so chli, i hätt se am liebschte mit heim gnoh!

 

Nachdem mer de aui tierli gseh hei gha, si mer de witers gange nach coodlie park wo so wie dr houptsitz vo nullarbor traveller isch. Dert hei mer d lüt vo dr adelaide-perth tour kenneglehrt und ihre tour guide dr hugh =) nachdem mer i üsi zimmer (ändlech wider einisch es bett!!!!) iquartiert si gsi, hei mer ufs ässe gwartet und werenddesse es bierli vom vitali trunke (er het üs zwöi, dr ramona und mir, abotte im tusch gäg nes gleslivo üsem wisswii) und hei de di angere chli kenneglehrt.

Am liebschte were mer zwar grad unger d duschi ghüpft, aber da ds ässe scho fasch fertig gsi isch, het das no gad chli müese warte.

Mit de arme fescht a körper drückt ¦D, hei mer de znacht gässe (öppe 4 vrschideni salät, und 10 verschideni fleisch mit brot)

Nach dem feine znacht, hei mer de ÄNDLECH chönne ga dusche!!! PHU!!! Isch das schön gsi sech nach 3 täg mau wider suber ds füele =)

D ramona und ig hei de üse wii usem chüeuschrank usegnoh und hei üs de zu de angere as laagerfüür gsellt.

Eigene Webseite von Beepworld
 
Verantwortlich für den Inhalt dieser Seite ist ausschließlich der
Autor dieser Homepage, kontaktierbar über dieses Formular!